Դաղստանում սպանել են Ռուբասի գյուղապետին, կասկածյալին ձերբակալել են։ Այս մասին հայտնել է «112» թելեգրամյան ալիքը։

«Դերբենդի շրջանի Ռուբաս գյուղի գյուղապետ Գաջիկուրբան Բայրամբեգովին կրակել է տեղի բնակիչներից մեկը և փախել հանցագործության վայրից։ Ավելի ուշ նա ինքն է զանգահարել ոստիկանություն և հանձնվել։ Նրան բերման են ենթարկել»,- նշվում է հայտարարության մեջ։ 

Թելեգրամյան ալիքի տվյալներով՝ գյուղապետը գնդակահարվել է, երբ նա դուրս էր գալիս վարչակազմի շենքից։

Ըստ ոչ պաշտոնական տվյալների տղամարդը եկել է Բայրամբեգովի մոտ հողատարածքի շուրջ հարցերով, որից հետո վեճ է ծագել, որը վերածվել է կոնֆլիկտի։