Ինչպե՞ս են ադրբեջանցիները կարողացել 20 կմ խորանալ ՀՀ տարածքում. Քոչարյանը մեկնաբանում է
ԱԺ-ում լրագրողների հետ զրույցում ԱԺ պաշտպանության եւ անվտանգության հարցերի հանձնաժողովի նախագահ Անդրանիկ Քոչարյանը, անդրադառնալով նախօրեին ՀՀ տարածք մուտք գործած ադրբեջանցիներին, ասաց, որ որոնողական աշխատանքները շարունակվում են մյուսներին հայտնաբերելու համար:
Հարցին, թե ինչպե՞ս են նրանք կարողացել 20 կմ խորանալ Հայաստանի տարածքում, նա պատասխանեց.
«Իսկ դուք սահմանը պատկերացնում եք, որ մի հատ դուռ է, բացեցին, գնացի՞ն: Սահմանը մեծ երկարություն ունի, որտեղ ձորակներ կան, որ կարող են թափանցել: Ինչու չեք հարցնում՝ այդ մարդիկ, որոնք եկել են, եկել են ինչ-որ գործողություն անելո՞ւ, թե՞ փախել են այն զորամասից, որը գտնվում է Նախիջեւանի տարածքում»:
