Մարսելում շենքի փլատակներում կարող է մինչև 10 մարդ լինել․ Ֆրանսիայի ՆԳՆ

Զոհերի մասին դեռևս չի հաղորդվում, սակայն շենքի փլատակներում կարող է 4-10 մարդ լինել։ Ֆրանսիական bfmtv.com-ի փոխանցմամբ՝ լրատվամիջոցների հետ զրույցում հայտնել է Ֆրանսիայի ՆԳՆ ղեկավար Ժերալդ Դարմանենը։

Հիշեցնենք՝ այսօր գիշերը Մարսելում չորսհարկանի բնակելի շենք է փլուզվել, ապա հրդեհ է բռնկվել։ Տարբեր աստիճանի վնասվածքներով 5 մարդ հոսպիտալացվել է։

Նա ընդգծել է, որ այս պահին փլուզման հետևանքով դեռ զոհեր չկան։

Դարնանենը հայտնել է նաև, որ փլուզման պատճառը դեռևս հայտնի չէ, իրավապահ մարմինները հետաքննություն են սկսել։

Ավելի վաղ ֆրանսիական լրատվամիջոցները հայտնել էին, որ մասնակի փլուզվել է նաև հարևանությամբ գտնվող շենքը։ Վկայակոչելով ականատեսներին՝ հաղորդվում էր պայթյունի մասին, որը նախորդել է չորսհարկանի բնակելի շենքի փլուզմանը։