Գերմանական Rheinmetall պաշտպանական կոնցեռնի ղեկավար Արմին Փափերգերը հայտարարել է Ուկրաինայի հետ խոստումնալից բանակցությունների մասին այնտեղ տանկերի գործարան կառուցելու վերաբերյալ և նշել է մոտավոր արժեքը՝ 200 միլիոն եվրո:

«Մոտ 200 միլիոն եվրոյով Ուկրաինայում կարող է Rheinmetall գործարան կառուցվել»,- ինչպես հաղորդում է  «ՌԻԱ Նովոստի»-ին, նշել է Փափերգերը Rheinische Post թերթին տված հարցազրույցում։

Նրա խոսքով՝ նման գործարանը տարեկան կարող է արտադրել մինչև 400 «Պանտերա» տանկ։ Փափերգերը Կիևի հետ բանակցություններն անվանել է «խոստումնալից»՝ հույս հայտնելով, որ եզրակացության կգան առաջիկա երկու ամսում: