ՌԴ զինված ուժերն այսօր հարված են հասցրել այն ձեռնարկություններին, որոնք Ուկրաինայի զորքերին ապահովում են վառելիքով և զինամթերքով։ Տեղեկությունը հայտնել են ՌԴ պաշտպանության նախարարությունից։

«Հարվածները հասել են նպատակին։ Նշանառված բոլոր օբյեկտները խոցված են», - ասել են գերատեսչությունից։

ՊՆ-ում պարզաբանել են, որ հարվածի հետևանքով խախտվել է Ուկրաինայի զինված ուժերի խմբավորումների վառելիքի մատակարարումը, զգալիորեն կրճատվել են Ուկրաինայում պայթուցիկ նյութերի, վառոդների և կոշտ հրթիռային վառելիքի արտադրության հնարավորությունները:

Հիշեցնենք՝ 2022 թվականի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։

Ուկրաինայում մարտական գործողություններն ընթանում են մինչ օրս։