Պատրաստ ենք «ութ մարտական ​​բրիգադների» զրահատեխնիկա և տանկեր փոխանցել Ուկրաինային․ Լլոյդ Օսթինն

Միացյալ Նահանգների պաշտպանության նախարար Լլոյդ Օսթինն ասել է, որ դաշնակիցները պարտավորվել են ավելի քան «ութ մարտական ​​բրիգադների» զրահատեխնիկա և տանկեր փոխանցել Ուկրաինային:

UNIAN-ի թղթակցի փոխանցմամբ՝ այս մասին նա ասել է Բրյուսելում  Ուկրաինայի պաշտպանության կոնտակտային խմբի (Ռամշտայն-9) հանդիպումից հետո կայացած ճեպազրույցում։ Օսթինը նշել է, որ հանդիպումը հաստատեց, որ դաշնակիցները կաջակցեն Ուկրաինային երկարաժամկետ հեռանկարում Ռուսաստանից պաշտպանվելու հարցում:

Նա ասել է, որ կոնտակտային խմբի անդամները ուկրաինացի զինվորականներին տրամադրել են ավելի քան «ութ մարտական ​​բրիգադի» զրահատեխնիկա։ 

Ըստ Օսթինի՝ խոսքը ամերիկյան զրահամեքենաների՝ Bradley, Stryker, M1 Abrams տանկերի, բրիտանական Challenger 2 տանկերի, կանադական Senator զրահամեքենաների, գերմանական Leopard տանկերի, ինչպես նաև վերանորոգված խորհրդային T-72 տանկերի մասին է։

Նա հաստատել է, որ Իտալիան և Ֆրանսիան պատրաստվում են ՀՕՊ համակարգեր փոխանցել Ուկրաինային։

Մինչդեռ Nordsee-Zeitung-ը հրապարակել է Ուկրաինայի համար նախատեսված ռազմական տեխնիկայի լուսանկարը, որը Գերմանիայի Բրեմերգաֆեն նավահանգիստ է ժամանել ԱՄՆ-ից։ Խոսքը Avenger հակաօդային պաշտպանության համակարգի եւ M2 Bradley հետևակի մարտական ​​մեքենաների մասին է։