ՏԵՍԱՆՅՈՒԹ. Ինչպես է կոկորդիլոսը ջրահեղձ եղած 4-ամյա երեխայի դին մեջքի վրա հասցրել փրկարարներին

 Բրիտանական Daily Mail պարբերականը հրապարակել է ուշագրավ տեսանյութ՝ պնդելով, որ  Ինդոնեզիայում կոկորդիլոսը մեջքի վրա տեղափոխել է գետում ջրահեղձ եղած չորսամյա տղայի մարմինը:

Աղբյուրը նշում է, որ երեխան՝ Մուհամադ Զիյադ Վիջայան, երկու օր է՝ անհետացել էր, իրականացվում էին որոնողական աշխատանքներ:

Մինչդեռ Մահակամ գետում արված տեսանյութում երևում է՝ ինչպես է 3 մետր երկարությամբ գիշատիչը մեջքի վրա տեղափոխում երեխայի դին՝ այն հասցնելով մոտակայքում գտնվող ձկնորսների նավակի մոտ: Հասնելով նավակին՝ կենդանին մարմինը մեջքից գցում է ու լողալով հեռանում, ինչից հետո ձկնորսներն մարմինը ջրից դուրս են հանում:

Սակայն, ըստ Newsweek-ի, դրանք ոչ թե ձկնորսներ, այլ հենց փրկարարներն են եղել:
Փրկարարական խմբի ղեկավար Մելկանիուս Կոտան նշել է, որ իրենք տեղյակ են պատահածից և կարծում են, որ կոկորդիլոսն օգնել է իրենց աշխատանքին:

Ըստ տեղի լրատվամիջոցների երեխայի մարմնի վրա կծածի կամ որևէ այլ վնասվածքի հետք չի եղել:

Քաղաքականություն

Պատահարներ