Ալմաթիի մանկական պանսիոնատները կասկածվում են երեխաներին ինքնասպանության դրդելու մեջ: Այս մնասին գրում են ղազախական թելեգրամյան ալիքները:

Բարեգործական հաստատությունները գործում էին մանկական պանսիոնատների քողի տակ։ Խուզարկությունների արդյունքում հայտնաբերվել են արտասահմանյան կրոնական գրականություն և այլ ուսումնական նյութեր, այդ թվում՝ Ղազախստանում ծայրահեղական ճանաչված և տարածման համար արգելված նյութեր:

«Այս պանսիոնատներում ապրող անչափահասները սիստեմատիկորեն ներգրավված էին կրոնական ծեսերի և հավաքական աղոթքների մեջ: Երեխաներին պատժում էին սննդից ու ջրից զրկելով, որոշ դեպքերում կիրառվել է ֆիզիկական բռնություն»,- հայտնում է police.kz-ն։

Նախաքննությունը այս պահին շարունակվում է։ Հետաքննության շահերից բխող այլ տեղեկություններ հրապարակման ենթակա չեն։