ԵՄ դիտորդների ՀՀ գալն ինչ կտա մեզ, կազդի՞ ՌԴ-ի և Իրանի հետ հարաբերությունների վրա․ Սուրենյանցը մանրամասնում է
ԵՄ առաքելության Հայաստան գործուղումը դրական երևույթ է։ Այս մասին Auroranews- ի հետ զրույցում ասաց քաղաքագետ Սուրեն Սուրենյանցը։
«Ցանկացած բան, որը կարող է նպաստել կայունությանը՝օգտակար է, հատկապես, որ դա որոշակի զգաստացնող նշանակություն կարող է ունենալ»,- նշեց նա։
Մյուս կողմից Սուրենյացը չի կիսում էյֆորիկ մոտեցումները, չափից ավելի ոգևորությունը:
«Առաքելությունն ինքնին դրական է, քանի որ մեր խնդիրների շուրջ միջազգային ներգրավածությունը և ուշադրությունը մեծանում է: Բայց երեք մոլորություն կա, որոնց չհետևելու դեպքում հակառակ էֆեկտը կունենաք»:
Փորձագետը մանրամասնեց, թե որոնք են այդ կետերը․«Առաջինը` սա չպետք է համարենք քայլ, որն ուղղված է արտաքին քաղաքական վեկտորի փոփոխությանը: Այսինքն, երբ մեր արևմտյան գործընկերները դիտորդ են ուղարկում ՝ չի նշանակում, թե Հայաստանի քաղաքական վեկտորի փոփոխության ուղությամբ քայլ են անում , որովհետև ռուսական զորքերը շարունակում են այստեղ մնալ»:
Երկրորդ մոլորեցումն այն է, որ դիտորդների Հայաստան գալը չպետք է իշխանությանը փափուկ բարձի էֆեկտ տա:
«Չպետք է պաշտպանական կառույցների մեծացման ուղությամբ ջանքերը կամ անելիքները մի կողմ դնենք, քանի որ դիտորդները մեզ պաշտպանելու առաքելություն չունեն: Այսինքն՝ մենք պետք է շատ լուրջ հիմքերի վրա դնենք զինված ուժերի արդիականացումը»:
«Երրորդը` դիտորդների գալը որևէ ձևով չի նշանակում, որ Հայաստանի իշխանությունը պետք է խուսափի բանակցություններից (ինչպես այսօր անում է), որովհետև դիտորդական առաքելությունն իր զսպող դերակատարությունը չի կարող ունենալ և Ադրբեջանին զսպող գործողություն չի լինի»,- ասաց նա, հավելելով, որ դիտորդների գալը լավ է, բայց դա չի ենթադրում, որ պետք է ստրատեգիական կողմնորոշման փոփոխություն, կարգավորման գործընթացի անտեսում կամ էլ զինված ուժերին անուշադրության մատնել լինի։
Հարցին, թե դիտորդների նոր խմբի Հայաստան գալն էլ ավելի չի խորացնի հայ-ռուսական հարաբերություններում առկա ճգնաժամը, նշեց. «Մենք Ռուսաստանին և Իրանին պետք է բացատրենք, որ դիտորդական առաքելությունն իրենց դեմ ուղղված չէ և ոչ էլ մեր արտաքին քաղաքականության վերանայման ազդակ է։ Այս քայլն ուղղված է մեր անվտանգության բաղադրիչի ուժեղացմանը: Եթե դա չբացատրվի կամ էլ այս առաքելության գալը փորձեն որպես պատրվակ օկտագործել արտաքին քաղաքականության վեկտոր փոփոխելու համար, իհարկե մեր հարաբերություները կտուժեն մեր ռուսաստանցի և իրանցի գործընկերների հետ»:
Խոսելով Լաչինի միջանցքի վերաբերյալ Լավրովի հայտարարության մասին, թե խնդիրը լուծման փուլում է՝ Սուրենյանցը նկատեց. «Դա նշանակում է, որ Ռուսաստանը բավարար չափով կարողություններ չունի և դրա պատճառը ռուս-ուկրաինական պատերազմն է, որը թուլացրել է Ռուսաստանի կարողություները մեր տարածաշրջանում: Իսկ արևմտյան պետություններն այս մասին կբարցրաձայնեն, բայց ջանքեր չեն գործադրի այս ճգնաժամը հաղթհարելու համար, որովհետև որքան ճգնաժամը խորանա՝ այնքան դա հարվածելու է Ռուսաստանիհեղինակութանը ու ներկայությանը»:
