Արամուսում ամուսինների սպանության գործով կալանավորվածին փորձել են ծեծել տալ. Արմլուր

Իրավապահները պարզել են, որ Կամարիս գյուղի բնակիչ, նախկինում դատապարտված Մարատ Եղիազարյանը փորձել է «ծեծել տալ» «Նուբարաշեն» քրեակատարողական հիմնարկում կալանք կրող Թադևոս Հովակիմյանին, հայտնում է ArmLur.am-ը։

Հովակիմյանը կալանավորված է Արամուս գյուղում ամուսինների սպանության գործով։ Այդ պատրվակով Եղիազարյանը սպանվածի հարազատներից պահանջել է հանձնուք՝ ՔԿՀ ուղարկելու նպատակով։

Օրաթերթի տեղեկություններով՝ երբ սպանվածի հարազատները տեղեկացել են Եղիազարյանի հնարավոր գործողությունների մասին, նրան հրավիրել են  ռեստորան և խոսակցության ընթացքում ծեծի ենթարկել։

Դեպքի վերաբերյալ կազմված փաստաթղթերն ուղարկվել են ՀՀ Քննչական կոմիտեի Աբովյանի քննչական բաժին։