Ֆուտբոլի ակումբի մարզիչը մահացել է խաղի ընթացքում
Սերբական «Ռադնիչկի 1923» ակումբի գլխավոր մարզիչ Մլադեն Ժիժովիչը մահացել է ֆուտբոլի առաջնության խաղի ընթացքում, հայտնել է Սերբիայի ֆուտբոլի ֆեդերացիայի մամուլի ծառայությունը։
Երկուշաբթի օրը «Ռադնիչկին» Սերբիայի առաջնության 14-րդ տուրի խաղում մրցել է «Մլադոստի» դեմ։ Խաղի 22-րդ րոպեին, երբ հյուրերը 2-0 հաշվով առաջ էին, 44-ամյա Ժիժովիչը հանկարծ վատացել է պահեստայինների նստարանին։
Բժիշկները անմիջապես բուժօգնություն են ցուցաբերել մարզչին և տեղափոխել հիվանդանոց, սակայն բժիշկների ջանքերը ապարդյուն են անցել․ Ժիժովիչը մահացել է։ Խաղը դադարեցվել է 41-րդ րոպեին՝ մահվան լուրի հաստատումից հետո։
