Եվրոպան պետք է համոզի Կիևին ընդունել ՌԴ-ի պայմանները. Սիլվիո Բեռլուսկոնի

Իտալիայի նախկին վարչապետ Սիլվիո Բեռլուսկոնին կարծում է, որ Եվրոպան պետք է համոզի Ուկրաինայի իշխանություններին ընդունել հակամարտության կարգավորման՝ ՌԴ-ի պահանջները:

«Հնարավորինս շուտ պետք է խաղաղության հասնել: Ես կարծում եմ, որ միասնական Եվրոպան պետք է խաղաղության առաջարկ ներկայացնի՝ փորձելով ստիպել ուկրաինացիներին ընդունել Պուտինի առաջարկները»,- Նեապոլում ասել է «Առա՛ջ, Իտալիա՛» կուսակցության առաջնորդը:

Ըստ Բեռլուսկոնիի` Ուկրաինա զենք ուղարկելը Իտալիային դարձնում է հակամարտության մասնակից։ «Եթե պետք է զենք ուղարկենք, ավելի լավ է գոնե դա չգովազդենք»,- ասել է նախկին վարչապետը։ 

Բեռլուսկոնին ավելի վաղ սխալ քայլ է անվանել Ուկրաինա ծանր սպառազինություն ուղարկելը։