Մարին Լը Պենը հայտարարել է, որ ընդունում է Ղրիմում հանրաքվեի արդյունքները
Ֆրանսիայի նախագահի թեկնածու Մարին Լը Պենը հայտարարել է, որ դեռևս Ղրիմը համարում է ռուսական և չի ափսոսում Ուկրաինա այցելելու արգելքի համար։ Այս մասին նա ասել է BFM-ին տված հարցազրույցում, գրում է RT-ն:
«Ես ամենևին չեմ ափսոսում, քանի որ Ղրիմի կարգավիճակի մասին որոշումը կայացվել է հանրաքվեի արդյունքում»,- ասել է Լը Պենը։ Նա այսպես է պատասխանել հարցին, թե Կիևն իրեն ավելացրել է Ուկրաինայում անցանկալի անձանց ցուցակում։
2017 թվականին Լը Պենը նաև հայտարարեց, որ Ֆրանսիայի նախագահական ընտրություններում հաղթելու դեպքում Ղրիմը կճանաչի որպես Ռուսաստանի տարածք։ Նրա խոսքով, «Ղրիմի պատկանելությունն Ուկրաինային միայն խորհրդային ժամանակների վարչական խնդիր էր, թերակղզին երբեք ուկրաինական չի եղել»։
