Պորտուգալիայում հայտնաբերվել է Օմիկրոն շտամով վարակման 13 դեպք: Այս մասին հայտնում է պորտուգալական RTP հեռուստաալիքը: 

Նշվում է, որ դեպքերը հայտնաբերվել են «Բելենենսեշ» ֆուտբոլային ակումբի ֆուտբոլիստների շրջանում։
 

«Ռիկարդո Խորխեի անվ․ Առողջապահության ազգային ինստիտուտում իրականացված նախնական թեստերը ցույց են տալիս, որ բոլոր 13 դեպքերը կապված են անհանգստություն առաջացնող Օմիկրոնի շտամի հետ»,- ասվում է ինստիտուտի տարածած հաղորդագրության մեջ։