Բենզատարի պայթյունից առնվազն 90 մարդ է զոհվել
Սիերա Լեոնեի մայրաքաղաք Ֆրիթաունում բենզատարի պայթյունի հետևանքով զոհվել է ավելի քան 90 մարդ։ Այս մասին շաբաթ օրը հայտնել է Reuters գործակալությունը։
Ինչպես նշել են մայրաքաղաքի դիահերձարանում, ներկա դրությամբ այնտեղ է տեղափոխվել 91 դի։
Պայթյունը տեղի է ունեցել վաղ առավոտյան այն բանից հետո, երբ բենզատարը վթարի է ենթարկվել։ Եկել են մարդիկ՝ փորձելով հավաքել թափված վառելիքը։ Այդ պահին այն բռնկվել է, ու տեղի է ունեցել պայթյուն։
Իշխանությունները հետաքննում են միջադեպը։
