Մոհամեդ Ալիի թոռը երկրորդ հաղթանակն է տարել նոկաուտով
Պրոֆեսիոնալ բռնցքամարտի լեգենդար ծանրքաշային, ամերիկացի Մոհամեդ Ալիի թոռը երկրորդ հաղթանակն է տարել պրոֆեսիոնալ ռինգում եւ դարձյալ նոկաուտով։
ԱՄՆ-ում տեղի ունեցած մենամարտում Նիկո Ալի Ուոլշը մրցակցին նոկաուտի է ենթարկել երրորդ ռաունդում։ Առաջին մենամարտում եւս նա հաղթանակի էր հասել ժամանակից շուտ։
Նորամուտի մենամարտում Նիկո Ալի Ուոլշը հաղթել էր առաջին ռաունդում տեխնիկական նոկաուտով։
