ՍՊՈՐՏ. Դանիայի ֆուտբոլային ասոցիացիան տեղեկություններ է հաղորդել Քրիստիան Էրիկսենի վիճակի մասին
Դանիայի հավաքականի եւ Միլանի «Ինտերի» կիսապաշտպան Կրիստիան Էրիկսենի առողջական վիճակը կայուն է, սակայն նա դեռ կմնա հիվանդանոցում հետազոտվելու նպատակով։ Այդ մասին հաղորդում է Դանիայի ֆուտբոլային ասոցացիայի մամուլի ծառայությունը։
Դանիայի հավաքականի առաջատարներից մեկի մասնակցությունը Եվրո-2020-ին, ամենայն հավանականությամբ, ավարտված է։
Եվրո-2020-ի խմբային փուլի առաջին տուրում Դանիայի հավաքականը 0։1 հաշվով պարտվել էր Ֆինլանդիային, 29-ամյա Էրիկսենը առաջին խաղակեսի վերջնամասում կորցրել էր գիտակցությունը։ Նրա կյանքը փրկել էին սրտի անուղղակի մերսման եւ դեֆիբրիլյատորի օգնությամբ։
-
«Այսօր առավոտյան մենք խոսել ենք Քրիստիան Էրիկսենի հետ․ նա բարևներ էր ուղարկում իր թիմակիցներին։ Նրա վիճակը շարունակում է կայուն մնալ, բայց դեռ գտնվում է հիվանդանոցում՝ հետագա հետազոտությունների համար։
Դանիայի հավաքականի ֆուտբոլիստներն ու անձնակազմը հոգեբանական աջակցություն են ստացել ու կշարունակեն ուս ուսի տված կռվել ու պայքարել այս մրցաշարում։ Մենք շնորհակալություն ենք հայտնում բոլորին՝ երկրպագուներին, ֆուտբոլիստներին, Դանիայի և Անգլիայի թագավորական ընտանիքիներին, միջազգային ասոցիացիաներին, ակումբներին և մյուսներին՝ Քրիստիանին ուղղված աջակցության համար։ Առաջարկում ենք բոլոր ցանկացողներին իրենց մաղթանքներն ուղարկել մեզ։ Մենք դրանք կփոխանցենք Քրիստիանին և նրա ընտանիքին»,- գրել է Դանիայի ֆուտբոլային ասոցիացիայի Թվիթերի էջը։
