ՍՊՈՐՏ. ԵՎՐՈ-2020. Իտալիան ջախջախեց Թուրքիային. օրվա խաղերի անոնս
ԵՎՐՈ-2020-ի մեկնարկային խաղում Իտալիայի հավաքականը 3 անպատասխան գնդակ ուղարկեց Թուրքիայի ընտրանու դարպասը:
Առաջին կեսն անցավ իտալացիների բացահայտ առավելությամբ, սակայն դարպասի գրավում չարձանագրվեց: Երկրորդ կեսի սկզբնամասում Իտալիայի հավաքականն առաջ անցավ հաշվի մեջ: Թուրքերի կազմում ինքնագոլի հեղինակ դարձավ Մերի Դեմիրալը: 66-րդ րոպեին Չիրո Իմմովբիլեն հաշիվը դարձրեց 2-0, իսկ 13 րոպե անց Լորենցո Ինսինյեն խփեց այս խաղի վերջին գոլը:
A խմբի մյուս խաղում կմրցեն Ուելսի ու Շվեյցարիայի հավաքականները: Խաղը կկայանա հունիսի 12-ին ու կմեկնարկի Երևանի ժամանակով 17:00-ին:
ԵՎՐՈ-2020
A ԽՈւՄԲ
Թուրքիա-Իտալիա՝ 0-3
Խաղային երկրորդ օրը կկայանա ևս երկու հանդիպում: Երևանի ժամանակով 20:00-ին կմեկնարկի Դանիա-Ֆինլանդիա, իսկ 23:00-ին՝ Բելգիա Ռուսաստան հանդիպումը:
