ՈւԵՖԱ-ն և Ուկրաինան համաձայնության եկան. թիմի մարզաշապիկի վրա Ուկրաինայի քարտեզի՝ Ղրիմով հանդերձ ուրվագիծը կմնա

ՈւԵՖԱ-ն և Ուկրաինայի ֆուտբոլի ֆեդերացիան փոխզիջումների գնալով համաձայնության են եկել Ուկրաինայի թիմի մարզաշապիկի դիզայնի հարցում։ Ըստ այդմ՝ Ուկրաինայի քարտեզի՝ Ղրիմով հանդերձ ուրվագիծը մարզաշապիկի վրա մնում է, պահպանվում է նաև «Փառք Ուկրաինային» կարգախոսը, իսկ «Փառք հերոսներին» կարգախոսը ծածկվելու է։
 

Նաև հաղորդվում է, որ ՈւԵՖԱ-ի տեսուչները յուրաքանչյուր խաղից առաջ ստուգելու են ուկրաինացի ֆուտբոլիստների մարզահագուստը։
 

Ուկրաինայի ֆուտբոլի ֆեդերացիայի նախագահ Անդրեյ Պավելկոն ձեռք բերված համաձայնությունն անվանել է «հաղթական փոխզիջման»։