Հոգնել ու զզվել ենք այս իշխանությունից. Սամվել Կարապետյան

Սամվել Կարապետյանը լրագրողների հետ զրույցում հայտարարել է, որ պատրաստվում են ասել իրենց լուրջ խոսքը, երբ գա համապատասխան օրը։

Իր գործով դատական նիստից առաջ Սամվել Կարապետյանը նշել է, որ հասկանում է բոլորի հոգնածությունն ու զզվանքը ներկայիս իշխանությունից և մեկ օր առաջ նրանց ճանապարհելու ցանկությունը։ Նա ընդգծել է, որ իրենք նույնպես հոգնել են, սակայն ամեն ինչ անում են օրինական ճանապարհով՝ երկիրը ցնցումների չտանելու համար։

Կարապետյանի փոխանցմամբ՝ ձեռնարկվում են բոլոր օրինական քայլերը, որոնք կարող են հեռացնել այս իշխանությանը։ Նա հավելել է, որ նախկինում արդեն բացատրել է, թե դա մարդ չէ, այլ մեխանիզմ։ Ըստ նրա՝ վերջնական հաղթանակ տանելու համար անհրաժեշտ է քանդել այդ մեխանիզմը, ինչը բավականին դժվար է, քանի որ այն ստեղծվել է շատ լուրջ պետությունների կողմից։ Ճշտող հարցին, թե որ պետությունների մասին է խոսքը, նա պատասխանել է՝ ոչ բարեկամ։