Կարապետյանը՝ Ծառուկյանի ընկերություններում կատարվող գործընթացների մասին

Դատական նիստից առաջ լրագրողների հետ զրույցում «Ուժեղ Հայաստան»–ի առաջնորդ Սամվել Կարապետյանը մեկնաբանել է Գագիկ Ծառուկյանին պատկանող ընկերություններում պետության կողմից կառավարման միջամտության վերաբերյալ հարցը։

Լրագրողի դիտարկմանը, թե արդյոք չի մտահոգվում, որ նույնը կարող է տեղի ունենալ նաև իր բիզնեսների հետ, Սամվել Կարապետյանը պատասխանել է, որ նման քայլերի դեպքում դրանց հետևանքները տեսանելի կլինեն։

«Թող մի քիչ կառավարեն։ Մարդիկ կյանքում չեն կառավարել, հիմա ուզում են կառավարեն։ Տվեք՝ թող կառավարեն»,- ասել է նա։

Կարապետյանը պնդել է, որ պետական կառավարման ներքո հայտնված ձեռնարկությունները կարող են լուրջ խնդիրների առաջ կանգնել։

«Քարը քարին չեն թողնի։ Հնարավորություն ունեցել են կառավարելու, օրինակ՝ Հրազդանի ցեմենտի գործարանը։ Հիմա կտեսնենք, թե ինչ վիճակի կհասնեն թե՛ այդ գործարանը, թե՛ կոնյակի գործարանը»,- հայտարարել է Սամվել Կարապետյանը։