Խոշոր ավտովթար Շիրակի մարզում. Վրաստանի քաղաքացի, 25-ամյա վարորդը DAF բեռնատարով կողաշրջվել է

Երեկ՝ հունիսի 6-ին, խոշոր ավտովթար է տեղի ունեցել Շիրակի մարզում:   Ժամը 11:00-ի սահմաններում, Վրաստանի քաղաքացի, 25-ամյա Մուկրան Մեկուրիձեն՝ իր վարած DAF մակնիշի VZ 720 ZV համարանիշի ավտոմեքենայով՝ Բավրա-Գյումրի ավտոճանապարհի 8-րդ կմ-ին, Ղազանչի գյուղի մոտ, դուրս է եկել ճանապարհի երթևեկելի գոտուց և կողաշրջված վիճակում հայտնվել դաշտում:  

Օպերատիվորեն ժամանել է նաև բժիշկների հերթապահ խումբը, սակայն վարորդը տեղում ստանալով բուժօգնություն, հրաժարվել է հիվանդանոց տեղափոխվելուց: