Ադրբեջանցիները կրակել են Կութի հովվի վրա, խլել մեծ թվով անասուններ. «Հրապարակ»
Ժամեր առաջ հերթական միջադեպն է գրանցվել հայ-ադրբեջանական սահմանին, փոխանցում է «Հրապարակ»-ը: Լրատվականը նշում է, որ ադրբեջանցի դիրքապահները, որոնք օրերս ներխուժել են մեր սահման կրակ են բացել Գեղարքունիքի մարզի Կութ համայնքի հովվի ուղղությամբ, նրան հորդորել են, որ անասունը չտանի այդ կողմեր, բարեբախտաբար, կրակահերթը շրջանցել է հովվին եւ ինչպես համայնքապետարանի աշխատակիցը փոխանցեց՝ վիրավորվել է ձին։ Ադրբեջանցիները հովվից խլել են մեծ գլխաքանակով անասուններ, թե կոնկրետ քանի գլուխ, համայնքապետարանի աշխատակիցն ասաց, թե դեռեւս հայտնի չէ, այդ հարցն են փորձում ճշտել։
Auroranews- ը տեղեկությունը փորձում է ճշտել Պաշտպանության նախարարությունից:
