Տավուշի մարզում հակառակորդի կրակոցներից վիրավորված զինծառայողը կտեղափոխվի Երևան. Sputnik Արմենիա
Տավուշի մարզում այսօր հակառակորդի կրակոցներից վիրավորված պայմանագրային զինծառայողը վնասվածք է ստացել կրծքավանդակի շրջանում։ Այս մասին Sputnik Արմենիա հայտնեցին Նոյեմբերյանի բժշկական կենտրոնից, որտեղ էլ տեղափոխվել է զինծառայողը։
«Նա Լոռու մարզի բնակիչ է, 27 տարեկան։ Զինծառայողի վիճակը կայուն ծանր է։ Նա ստացել է կրծքավանդակի աջ առաջնային շրջանի միջանցիկ հրազենային վնասվածք, ինչպես նաև անրակի և կողերի կոտրվածք ունի»,- հայտնեցին բժշկական կենտրոնից:
27–ամյա զինծառայողին շուտով կտեղափոխեն Երևան` Կենտրոնական կլինիկական զինվորական հոսպիտալ, որտեղ էլ կորոշվի նրա վիրահատության հարցը։
