Երեւանում, հուլիսի 14-ին, ոստիկանության՝ հերթական ուժեղացված ծառայության արդյունքում Երեւանի ճանապարհային ոստիկանները վարչական պատասխանատվության են ենթարկել Toyota մակնիշի B 220 TE 95 RUS համարանիշի ավտոմեքենայի վարորդին, որի ղեկին եղել է երիտասարդ աղջիկ։

Shamshyan.com-ի հաղորդմամբ, պարզվել է, որ ավտոմեքենան չի ունեցել ԱՊՊԱ, վարորդն էլ ենթարկվել է սթափության փորձաքննության. պարզվել է, որ նա ավտոմեքենան վարել է ոչ սթափ։

Երբ ճանապարհային ոստիկանները փորձել են ավտոմեքենան տեղափոխել Երեւանի ՃՈ պահպանվող հատուկ տարածք, վարորդը հրաժարվել է ավտոմեքենայի բանալիները հանձնել ոստիկաններին։

Վարորդն անընդհատ կրկնել է, որ ինքը Ռուսաստանի Դաշնության քաղաքացի է։