Վերջին մեկ օրվա ընթացքում Մոսկվայի վրա ԱԹՍ-ներով զանգվածային հարձակում է եղել

Վերջին մեկ օրվա ընթացքում հակաօդային պաշտպանության համակարգերը Մոսկվային մոտենալիս ոչնչացրել են 62 անօդաչու թռչող սարք, հայտնել է մայրաքաղաքի քաղաքապետ Սերգեյ Սոբյանինը։

Նա նշել է, որ ընդհանուր առմամբ մայրաքաղաքի տարածաշրջանի ուղղությամբ արձանագրվել է ավելի քան 200 ԱԹՍ։ Դրանց մեծ մասը որսացվել է դեռևս հեռավոր մատույցներում։

Telegram-ում հրապարակված հաղորդագրություններում Սոբյանինը հստակեցրել է, որ հուլիսի 3-ի ուշ երեկոյից մինչև հուլիսի 4-ի առավոտ հակաօդային պաշտպանության ուժերը խոցել են 23 դրոն, որոնք շարժվում էին դեպի Մոսկվա։

Տուժածների կամ գետնի վրա ավերածությունների մասին տեղեկություններ չեն ստացվել։