Wildberries-ի և Ozon-ի վրա հարձակումներից տուժած բիզնեսներին հարկային արտոնություններ կտրվեն

Ռուսաստանի ֆինանսների նախարարությունը աջակցության միջոցներ է մշակել այն ընկերությունների և անհատ ձեռնարկատերերի համար, որոնք տուժել են Wildberries-ի և Ozon-ի օբյեկտների վրա ուկրաինական անօդաչու թռչող սարքերի հարձակումների հետևանքով։

Նախատեսվում է տուժած բիզնեսներին տրամադրել հարկերի և ապահովագրական վճարների վճարման ժամկետների հետաձգում, ինչպես նաև ժամանակավորապես դադարեցնել ստուգումները։ Աջակցության միջոցներ են նախատեսված նաև Wildberries-ի գործունեությունը պահպանելու համար։

Տուժած ձեռնարկատերերը հնարավորություն կստանան 12 ամսով հետաձգել մի շարք վճարումների ժամկետները։ Խոսքը, մասնավորապես, ԱԱՀ-ի՝ բացառությամբ Ռուսաստան ապրանքների ներմուծման ժամանակ վճարվողի, շահութահարկի, պարզեցված և ավտոմատացված պարզեցված հարկային համակարգերով նախատեսված հարկերի, ապահովագրական վճարների և համապատասխան կանխավճարների մասին է։

Արտոնությունը վերաբերում է 2026 թվականի օգոստոսից մինչև 2027 թվականի հուլիսը վճարման ենթակա գումարներին։

12-ամսյա հետաձգումից հետո կուտակված պարտավորությունները հնարավոր կլինի մարել ևս մեկ տարվա ընթացքում՝ հավասար մասերով։

Այս մասին հայտնում է ՌԻԱ Նովոստին՝ հղում անելով Ռուսաստանի ֆինանսների նախարարությանը։