ԱԹՍ-ներով զանգվածային հարձակում Ռուսաստանի վրա

Հունիսի 30-ի գիշերը Ռուսաստանի տարբեր տարածաշրջաններում հակաօդային պաշտպանության ուժերի կողմից խոցվել է 419 անօդաչու թռչող սարք։

Ռուսաստանի Դաշնության պաշտպանության նախարարության մամուլի ծառայությունը հայտնում է, որ հակաօդային պաշտպանության ստորաբաժանումները հունիսի 30-ի գիշերը ՌԴ մարզերում ոչնչացրել են 419 անօդաչու։ Խոցված բոլոր թռչող սարքերը եղել են ինքնաթիռատիպ։

ԱԹՍ-ները վնասազերծվել են Բելգորոդի, Բրյանսկի, Վլադիմիրի, Վոլգոգրադի, Վորոնեժի, Կալուգայի, Կուրսկի, Օրյոլի, Ռյազանի, Լիպեցկի, Ռոստովի, Սարատովի, Սմոլենսկի, Տամբովի, Տվերի ու Տուլայի մարզերում, Մոսկվայի ուղղությամբ, ինչպես նաև Կրասնոդարի երկրամասում և Ղրիմի Հանրապետությունում։ Կեսգիշերից հետո դեպի Մոսկվա ընթացող և ոչնչացված ԱԹՍ-ների քանակը կազմել է 50։