Ի՞նչ է պատրաստվում անել «Հայաստան դաշինքը»-ը

Ի՞նչ է պատրաստվում անել «Հայաստան դաշինքը»-ը․ մեկնաբանում է Քրիստինե Վարդանյանը.

«Այս ժամերի ընթացքում մենք կենտրոնացած ենք եղել բացառապես վերահաշվարկների կազմակերպման վրա, որովհետև այդ գործընթացն ուներ վերջնաժամկետ, և մենք պետք է հասցնեինք ամեն ինչ ավարտին։ Այժմ դուք տեսնում եք, որ հարյուրավոր ընտրատեղամասերում տեղի է ունենում վերահաշվարկման գործընթաց:

Մեզ համար շատ կարևոր է պարզել վերջնական պատկերը և հասկանալ, թե ինչպիսին է լինելու խորհրդարանի կազմը, ինչպես նաև՝ որ ուժերն են հաղթահարել անցողիկ շեմը։ Մասնավորապես, կարևոր է հասկանալ՝ «Բարգավաճ Հայաստան» կուսակցությունը հաղթահարե՞լ է շեմը, թե՞ ոչ։ Սա որոշակի պարզություն կմտցնի հետագա գործողությունների հարցում։

Կա նաև հաջորդ հանգրվանը՝ Սահմանադրական դատարանը։ Մեր իրավական թիմն արդեն պատրաստում է ծավալուն և հիմնավոր դիմում։ Այդ դիմումով մենք պատրաստվում ենք ներկայացնել ընտրախախտումների ամբողջ ծավալը։ Սա մեր հաջորդ քայլն է»,– նշել է նա: 

Մանրամասները՝ տեսանյութում: