Նավթի գները զգալիորեն աճել են Թրամփի հայտարարություններից հետո

 Նախագահ Դոնալդ Թրամփի՝ Հորմուզի նեղուցը փակելու վերաբերյալ սպառնալիքներից հետո նավթի գները մեկ բարելի դիմաց կրկին անցել են 100 դոլարի սահմանը։

CNN-ի փոխանցմամբ՝ նավթի շուկայում գրանցվել է գների կտրուկ աճ այն բանից հետո, երբ ԱՄՆ նախագահ Դոնալդ Թրամփը հայտարարեց, որ Միացյալ Նահանգները կարգելափակի բոլոր այն նավերի տեղաշարժը, որոնք կփորձեն մտնել Հորմուզի նեղուց կամ դուրս գալ այնտեղից։ 

Նախագահի այս հայտարարությունը մատակարարումների հետագա խափանումների սպառնալիք է ստեղծել։ Brent տեսակի նավթի արժեքն աճել է 8%-ով՝ կազմելով շուրջ 102 դոլար։ Զուգահեռաբար, ԱՄՆ նավթի գինը ևս բարձրացել է 8%-ով՝ հասնելով 104 դոլարի։