Թրամփը հայտնել է Իրանի դեմ գործողությունների ավարտի ժամկետը

ԱՄՆ-ը նախատեսում է մոտ ժամանակում ավարտել Իրանի դեմ ռազմական արշավը, հայտարարել է Դոնալդ Թրամփը։ 

ԱՄՆ նախագահ Դոնալդ Թրամփը հայտարարել է, որ Միացյալ Նահանգները երկու կամ երեք շաբաթվա ընթացքում կավարտի Իրանի դեմ ռազմական գործողությունները՝ ընդգծելով, որ «ավարտում են աշխատանքը» և այլևս պատճառ չունեն շարունակելու։ 

Նա նաև նշել է, որ Իրանի հետ հնարավոր համաձայնությունը պարտադիր չէ պատերազմի ավարտի համար, քանի որ իր միակ նպատակն արդեն իրականացված է՝ Իրանը միջուկային զենք չի ունենա։ 

Թրամփը հայտարարել է, որ Իրանում «ռեժիմի փոփոխությունը» իր ծրագրերում չի եղել, սակայն ըստ նրա՝ այն արդեն տեղի է ունեցել, քանի որ երկրի առաջնորդները զոհվել են։