ՏԵՍԱՆՅՈՒԹ. ՊՊԾ աշխատակիցը կարող է ուժ ու զենք գործադրել. Նիկոլ Փաշինյան

«Ես չեմ տեսել, թե ինչ է տեղի ունեցել, բայց երբ պետական պահպանության ծառայության ծառայողը տեսնում է, որ իր պահպանյալին վտանգ է սպառնում, ինքը կարող է հարվածել, կարող է ուժ գործադրել,  սուր իրավիճակներում կարող է զենք գործադրել»,- լրագրողների հետ զարույցում ասաց վարչապետ Նիկոլ Փաշինյանը՝ արձագանքելով դիտարկմանը, թե անվտանգության աշխատակիցը եկեղեցու միջադեպի ժամանակ հարվածել է երիտասարդին և ոչ մի մեղադրանք չկա նրա նկատմամաբ առաջադրված:

«Պետական պահպանության աշխատողը նրա համար է, որ երբ իրավիճակ կա, ուժ գործադրի. ինքը բոլոր լիազորություններն ունի։ Եթե նա այդ աշխատանքը չանի, ուրեմն նրա դեմ է քրեական գործ հարուցվելու, և ինքը կարող է հայտնվել բանտում՝  ծառայողական պարտականությունները չկատարելու համար։ Եվ երբ որևէ մեկը գործողություն է անում` բեյջ չունի, որ 18 տարեկան է, թե առողջական խնդիրներ ունի, կամ այլ կարգի խնդիրներ ունի»,-ասաց Փաշինյանը։