Ադրբեջանի տարածքով Հայաստան է ուղարկվել ցորենով բեռնված հերթական գնացքը

Ադրբեջանի տարածքով դեպի Հայաստան է ուղարկվել ռուսական ցորենով բեռնված հերթական գնացքը։ Այսօր Բաքվի մերձակայքում գտնվող Բալաջարի երկաթուղային կայարանից դուրս է եկել հինգ վագոնից բաղկացած բեռնատար կազմը։

Փոխադրվող բեռի ընդհանուր քաշը 349 տոննա է։ Գնացքը պետք է Բյոյուք Կեսիկ կայարանով հասնի Վրաստան, որտեղից կշարունակի ճանապարհը դեպի Հայաստան։

Սա նման առաջին փոխադրումը չէ։ Ավելի վաղ ևս Ադրբեջանով տարանցիկ ճանապարհով Ռուսաստանից Հայաստան է տեղափոխվել շուրջ 23,5 հազար տոննա հացահատիկ, ավելի քան 1000 տոննա պարարտանյութ և 68 տոննա հնդկաձավար։

Վերջին անգամ նման ռուսական ցորենի առաքում իրականացվել էր մարտի 25-ին, երբ նույն երթուղով Հայաստան էր ուղարկվել մոտ 350 տոննա բեռ։