Հասարակություն Կարևոր

Խստացվում են ավտոմեքենաների գազաբալոնների տեխնիկական ստուգման պահանջները

Կառավարությունը փետրվարի 26-ի նիստում ընդունել է որոշում, որով խստացվում են ավտոմեքենաների գազաբալոնների տեխնիկական ստուգման պահանջները։ Որոշմամբ սահմանվում է, որ մասնագիտացված լաբորատորիաներում…

Կառավարությունը փետրվարի 26-ի նիստում ընդունել է որոշում, որով խստացվում են ավտոմեքենաների գազաբալոնների տեխնիկական ստուգման պահանջները։


Որոշմամբ սահմանվում է, որ մասնագիտացված լաբորատորիաներում գազաբալոնների ստուգման և սերտիֆիկացման գործընթացը պարտադիր կերպով կտեսաձայնագրվի։ Լաբորատորիաները պարտավոր են ձայնագրությունները պահպանել առնվազն վեց ամիս։ Անհրաժեշտության դեպքում դրանք հասանելի կլինեն իրավապահ մարմիններին։


Հիշեցնենք, որ 2025 թվականին Հայաստանում գրանցվել է գազաբալոնով աշխատող ավտոմեքենաների հինգ պայթյուն։ Սեղմված գազը երկրում շարունակում է մնալ ավտոմեքենաների հիմնական վառելիքի տեսակներից մեկը։


Դեռևս 2005 թվականից գործող օրենսդրության համաձայն՝ գազով լիցքավորվող ավտոմեքենաների սեփականատերերը պարտավոր են յուրաքանչյուր երկու տարին մեկ անցնել բալոնների լաբորատոր ստուգում։ Գազալցակայաններին արգելվում է սպասարկել այն մեքենաները, որոնք չեն անցել պարտադիր ստուգում։


Տեսականորեն բալոնների սերտիֆիկացման գործընթացի վերահսկողությունը վերապահված է Քաղաքաշինության, տեխնիկական և հրդեհային անվտանգության տեսչական մարմնին, սակայն գործնականում նման ստուգումները լիարժեք չեն իրականացվում։

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7890) Միջազգային (3489) ԱՄՆ (2343) Ռուսաստան (2195) Իրան (1769) Ընտրություններ (1275) Ուկրաինա (874) Երևան (816) Իսրայել (762) Ադրբեջան (662) Փաշինյան (572) Եվրոպա (524) Ազգային ժողով (474) Ընդդիմություն (460) Թրամփ (444)

Radio Aurora

Լսել Radio Aurora

Գովազդային տարածք

300x250