Ռուբիոն բարձր է գնահատել Ադրբեջանի կողմից Հայաստանին վառելիքի մատակարարումները

Հեռախոսազրույցի ընթացքում ԱՄՆ պետքարտուղար Մարկո Ռուբիոն և Ադրբեջանի արտաքին գործերի նախարար Ջեյհուն Բայրամովը բարձր են գնահատել ԱՄՆ-Ադրբեջան հարաբերություններում դրական փոփոխությունները։

Այս մասին նշված է Պետդեպարտամենտի հայտարարության մեջ։

Կողմերը քննարկել են նաև Հարավային Կովկասի տարածաշրջանում խաղաղության և բարգավաճման հետագա առաջխաղացմանն ուղղված վստահության ամրապնդման այլ միջոցառումներ։

Ռուբիոն բարձր է գնահատել Ադրբեջանի կողմից Հայաստանին վառելիքի մատակարարումները՝ դրանք անվանելով կարևոր ժեստ, որը ցույց է տալիս Ադրբեջանի շարունակական հավատարմությունը երկու երկրների միջև 2025 թվականի օգոստոսի 8-ին Սպիտակ տան գագաթնաժողովում ԱՄՆ նախագահ Դոնալդ Թրամփի մասնակցությամբ ձեռք բերված պատմական խաղաղության համաձայնագրին։