Նոր մեղադրանք առաջադրվեց Գրիգորի Խաչատուրովին. միջպետական հետախուզում է հայտարարվել

Նոր մեղադրանք է առաջադրվել Գեներալ-մայոր Գրիգորի Խաչատուրովին. միջպետական հետախուզում է հայտարարվել։

 Auroranews.am-ին Գլխավոր դատախազությունից փոխանցեցին, որ Խաչատուրովի նկատմամբ հանրային հետապնդում է հարուցվել օրերս, երկու հոդվածով:

«2025 թվականի նոյեմբերի 25-ին Գրիգորի Խաչատուրովի նկատմամբ հանրային քրեական հետապնդում է հարուցվել Քրեական օրենսգրքի 436-րդ հոդվածի 1-ին մասով և 549-րդ հոդվածի 3-րդ մասով: Գ. Խաչատուրովի նկատմամբ հայտարարվել է միջպետական հետախուզում: Դատարանը մերժել է կալանքը որպես խափանման միջոց ընտրելու վերաբերյալ քննիչի միջնորդությունը, որի դեմ Դատախազությունը վերաքննիչ բողոք կներկայացնի»,- հայտնում է գերատեսչությունը:

Հավելենք՝ ավելի վաղ հայտնել էինք, որ դատարանը մերժել է Գրիգորի Խաչատուրովին կալանավորելու միջնորդությունը։