«Կամավորների կոալիցիան» Կիևի համար երաշխիքներ է մշակել․ Մակրոն
Ֆրանսիայի նախագահ Էմանուել Մակրոնը հայտարարել է, որ «կամավորների կոալիցիան» ավարտել է Ուկրաինայի համար «անվտանգության երաշխիքների» վերաբերյալ աշխատանքը և մտադիր է դրանք քննարկել Միացյալ Նահանգների հետ։
Մակրոնի փոխանցմամբ՝ այս փուլում նախատեսվում է գործարքի հիմնական տարրերը ներկայացնել Միացյալ Նահանգներին՝ շարունակական խորհրդակցությունների շրջանակում։ Նա ընդգծել է, որ նպատակը դաշնակիցների միջև ընդհանուր մոտեցման հաստատումն է, որը վերաբերում է Ուկրաինայի պաշտպանունակության ամրապնդմանը։
Ֆրանսիական կողմը չի հրապարակում նախագծի մանրամասները, սակայն հայտնում է, որ քննարկումները կընթանան գործընկեր երկրների հետ համաձայնեցված ժամանակացույցով։ Նախագահի հայտարարությամբ՝ աշխատանքները միտված են այնպիսի մեխանիզմների մշակմանը, որոնք կարող են աջակցել Կիևին անվտանգության ոլորտում երկարաժամկետ մակարդակով։
