Ծառայողներն ու նրանց ծնողները պետք է ըմբռնումով մոտենան. Պապիկյանը՝ ծառայության ժամկետի կրճատման մասին

Համաձայն չեմ այն մտքի հետ, որ որևէ անարդար բան կա: Անարդարություն չկա, քանի որ օրենքն ուժի մեջ կմտնի և անմիջապես կտարածվի զորակոչի վրա: Այս մասին Ազգային ժողովում ասել է Պաշտպանության նախարար Սուրեն Պապիկյանը՝ պատասխանելով հարցին՝ անարդար չէ՞, որ հունվարի 1-ից հետո զորակոչվածները և արդեն իսկ վեց ամիս ծառայության մեջ գտնվողները միասին զորացրվեն:

«Կարծում եմ՝ շատ արդար է: Այն գուցե որոշակի անարդարություն պարունակեր, եթե օրենքն ընդունեինք հունիսի 1-ին: 

Մեր գործընկերները, սիրելի զինվորներն ու նրանց ծնողները, որոնց զավակները գտնվում են ծառայության մեջ, պետք է ըմբռնումով մոտենան, որովհետև սա վերաբերվում է ապագայում ծառայողներին, այդ թվում՝ իրենց հարազատներին»,- նշել է Պաշտպանության նախարար Սուրեն Պապիկյանը: