Վստահ եմ` 2026 թվականի խորհրդարանական ընտրություններում ՀՀ քաղաքացիները կհասնեն ջախջախիչ հաղթանակի. Փաշինյան
Վարչապետ Նիկոլ Փաշինյանը հայտարարել է, որ համոզված է՝ 2026 թվականի խորհրդարանական ընտրություններում ՀՀ քաղաքացիները կհասնեն ջախջախիչ հաղթանակի։
Կառավարության ճեպազրույցում Փաշինյանը նշել է, որ մեծ վստահություն ունի առաջիկա խորհրդարանական ընտրությունների արդյունքների վերաբերյալ։ Վարչապետը ընդգծել է, որ որևէ ընտրության ժամանակ այլ նպատակ չի ունեցել՝ անկախ զբաղեցրած պաշտոնից։ Նրա խոսքով՝ այդ սկզբունքը շարունակելու է գործել։
Խոսելով ընտրությունների շրջանակում սպասվող բանավեճերի մասին՝ Փաշինյանը նշել է, որ խորհրդարանական ընտրություններին մասնակցելու ցանկություն ունեցող բոլոր քաղաքական ուժերի բանավեճի հրավերը ընդունել է նախապես։ «Խորհրդարանական ընտրությունների ուղիղ եթերում կբանավիճենք»,– նշել է նա։
