Ծառուկյանին ձերբակալեցին, չկարողացան Ծառուկյանի վրա ազդել. ԲՀԿ առաջնորդը՝ Փաշինյանի հետ կոալիցիա կազմելու մասին
«Բարգավաճ Հայաստան» կուսակցության նախագահ Գագիկ Ծառուկյանը քվեարկեց անվտանգ հայրենիքի, հզոր, զարգացող, Բարգավաճ Հայաստանի համար։
Քվեարկությունից հետո Ծառուկյանը՝ լրագրողների հետ զրույցում կրկիին բացառեց ընտրություններից հետո բավարար քվե ունենալու պարագայում Նիկոլ Փաշինյանի հետ կոալիցիա կազմելու փաստը։ Հարցին՝ ընտրական արդյուքները չբավարարելու դեպքում արդյոք փողոց դուրս կգան, ԲՀԿ ղեկավարն ասաց.
«Եթե ամեն ինչ կարգ ու կանոնոնվ գնում է, ինչի՞ մասին է խոսքը, անտեղի ինչի համար աղմուկ բարձրացնել։ Այսօր ժողովուրդը լիարժեք քվեարկում է։ Ում վստահում է, հավատում է իր ձայնը տալիս է։ Եթե ժողովուրդը չի ցանկացել, ձայն չի տվել, ես ինչ պետք է անեմ՝ ասեք, տեսնեմ»։
Հարցին՝ արդյոք Խաչատուր Սուքիասյանը կարող է իր վրա ազդել, համոզել բարեկամական կապով, որ միանա Նիկոլ Փաշինյանին, Ծառուկյանը ծիծաղեց, նշեց, որ ոչ ոք իր վրա չի կարող ազդել․
«Դու քո ասածին հավատո՞ւմ ես՝ Ծաուկյանի վրա ո՞վ կարա ազդի։ Ծառուկյանին ձերբակալեցին, չկարողացան Ծառուկյանի վրա ազդել»։
Ծառուկայնը նշեց՝ ընտրողներն են որոշում իրենց ապագան, որոշողը ժողովուրդն է՝ ո՞ւմ հետ հույս է կապում՝ նրան էլ ձայնը կտա։
Դիտարկմանը՝ ընտրարշավում, որ պասիվ էին, հնարավոր է արդյոք ուզում են փակել քաղաքական էջը, քանի որ երկու ուժի միջև է պայքարն ընթանում, Ծառուկյանը նշեց.
«Ով տենց մտադրութուն ունի՝ չարաչար սխալվում է։ Ծառուկյանը նպատակ ունի, ծրագիր ունի, որ ուզում է իր պետությունը հզոր լինի, զարգացող լինի, ժողովրդի վիճակն էլ բարգավաճ, բարեկեցիկ լինի։ Քո նպատակն է, որ փակե՞մ»։
Ծառուկյանը նշեց, որ երբեք կարգ չեն խախտի, կարգը խախտողները պետք է պատասխաատվության ենթարկվեն։
