20:00 Լուրերը մեկ տողով. Ցմահ պաշտոնավարման արգելք, սահմանային բախումներ, անոմալ շոգ

• Հուլիսի 2-ին Հայաստանում սպասվում է առանց տեղումների եղանակ, իսկ հուլիսի 3-6-ին՝ կարճատև անձրևներ, ամպրոպ, առանձին հատվածներում կարկուտ և հորդառատ տեղումներ, ջերմաստիճանը նախ կբարձրանա, ապա կնվազի։

• ԱԺ հանձնաժողովը հավանություն է տվել նախագծին, որով ընտրակաշառքի համար դատապարտվածները ընդմիշտ կզրկվեն պետական և համայնքային պաշտոններ զբաղեցնելու իրավունքից՝ անկախ դատվածության մարումից։

• Մարիա Զախարովան հայտարարել է, որ Զելենսկու՝ Ռուսաստանի դեմ «40-օրյա գործողության» սպառնալիքները վկայում են Կիևի «ահաբեկչական էության» մասին։

• Թուրքիայի Տրապիզոն քաղաքում ընկել է 5 կիլոգրամ պայթուցիկով զինված ուկրաինական անօդաչու թռչող սարք, և դեպքի առթիվ հետաքննություն է սկսվել։

• Աֆղանստանի և Պակիստանի միջև սահմանային լարվածությունը կրկին սրվել է՝ փոխադարձ հարվածների, զոհերի և հրադադարի հերթական խախտումների ֆոնին։

• Ֆրանսիայի «Կանաչներ» կուսակցությունը պատրաստվում է կառավարությանն անվստահություն հայտնել՝ իշխանություններին մեղադրելով անոմալ շոգին անբավարար պատրաստված լինելու համար։

• Աշխարհում դոլարային միլիարդատերերի թիվը հասել է պատմական առավելագույնի՝ 3,302-ի, ընդ որում նրանց մեծ մասը բնակվում է ԱՄՆ-ում, Չինաստանում և Հնդկաստանում։