17:00 Լուրերը մեկ տողով. Ովքեր այլևս չեն քվեարկի, ինչ է քննարկվում ՍԴ-ում

Անցած ժամվա լուրերը՝ հակիրճ և բովանդակային.

· Հայաստանում նախատեսվում է սահմանափակել արտերկրում հիմնականում բնակվող ՀՀ քաղաքացիների մասնակցությունը համապետական ընտրություններին և հանրաքվեներին՝ սահմանելով երկրում բնակության նվազագույն պահանջ։

· Սահմանադրական դատարանում ընտրությունների արդյունքների քննության ընթացքում ԿԸՀ-ն հայտարարել է, որ համակարգը պաշտպանված է արտաքին միջամտությունից, իսկ արձանագրված տեխնիկական սխալները չեն ազդել արդյունքների վրա։ 

·  Արդարադատության նախարար Սրբուհի Գալյանը հայտարարել է, որ ընտրությունների արդյունքները չեն կարող անվավեր ճանաչվել առանց հստակ և բավարար ապացույցների։ 

· Նիկոլ Փաշինյանը հայտարարել է, որ Պետական պահպանության ծառայությունը պետք է զարգանա որպես ինքնուրույն հատուկ ծառայություն՝ կառուցվածքային փոփոխություններով և կարողությունների ընդլայնմամբ։ 

· Իրանում իշխանությունները Խամենեիի հրաժեշտի արարողությունների օրերին համաներում են շնորհել թեթև հանցանքներ գործած առնվազն 850 կալանավորի։ 

·  Վլադիմիր Պուտինը Անվտանգության խորհրդի նիստում քննարկել է Կալինինգրադի մարզի սոցիալ-տնտեսական զարգացման և սոցիալական քաղաքականության հարցերը։ 

· Աստղագետները պարզել են, որ GJ 3378b էկզոմոլորակը ավելի նման է Երկրին, քան նախկինում ենթադրվում էր, և գտնվում է իր աստղի բնակելի գոտում։