Նիկոլ Փաշինյանը հանձնարարել է ձևավորել օդի աղտոտվածության հարցերով աշխատանքային խումբ
Վարչապետ Նիկոլ Փաշինյանը հանձնարարել է ստեղծել աշխատանքային խումբ՝ օդի աղտոտվածության խնդիրները լուծելու նպատակով։
Կառավարության նիստում Փաշինյանը նշել է, որ խումբը զբաղվելու է օդի աղտոտվածության հարցերով՝ ընդգծելով, որ անհրաժեշտ է այդ խնդիրը ներառել օրակարգում, պարզել իրավիճակը և առաջարկել հստակ լուծումներ։
Փաշինյանի խոսքով՝ նախատեսվում է ձևավորել միջգերատեսչական կառույց, որտեղ ընդգրկված կլինեն Երևանի քաղաքապետարանի և տարբեր համայնքների ներկայացուցիչներ։ Նա հանձնարարել է ներկայացնել առաջարկներ աշխատանքային խմբերի առավել արդյունավետ կազմի վերաբերյալ։
