Թուրքիան հարթակ է առաջարկում Մոսկվա–Կիև բանակցությունների համար
Թուրքիայի նախագահ Ռեջեփ Թայիփ Էրդողանը հայտարարել է, որ Ռուսաստանի և Ուկրաինայի միջև ուղիղ բանակցությունները հնարավոր է կազմակերպել Ստամբուլում, նշում է Anadolu գործակալությունը։
Էրդողանի խոսքով՝ Թուրքիան շարունակաբար քննարկումներ է վարում այս հարցի շուրջ ինչպես Մոսկվայի, այնպես էլ Կիևի հետ։
Թուրքիայի հաղորդակցության վարչության տնօրեն Բուրհանեթթին Դուրանը հայտնել է, որ նախագահ Էրդողանը տեսակապով մասնակցել է Ուկրաինայի հարցով «Կամավորների կոալիցիայի» առցանց հանդիպմանը։ Էրդողանը մասնակիցներին վստահեցրել է, որ Թուրքիան կշարունակի դիվանագիտական ջանքերը՝ խթանելու Մոսկվայի և Կիևի ուղիղ շփումները։
