Մխիթարյանը մինչև 2027 կմնա «Ինտերում»

Իտալական «Ինտերը» պաշտոնապես հայտարարել է, որ երկարաձգել է պայմանագիրը հայ կիսապաշտպան Հենրիկ Մխիթարյանի հետ։ Նոր համաձայնագրով 37-ամյա ֆուտբոլիստը միլանյան ակումբում կմնա մինչև 2027 թվականի հունիսի 30-ը։

Ակումբի պաշտոնական հայտարարության մեջ նշվում է, որ կողմերը համաձայնության են եկել և կիսապաշտպանը կշարունակի հանդես գալ  «Ներաձուրիի» կազմում։ Մարզական լրագրող Նիկոլո Սկիրայի տվյալներով՝ Մխիթարյանի աշխատավարձը կկազմի տարեկան 2 մլն եվրո՝ գումարած բոնուսները։

 «Ճանապարհորդությունը շարունակվում է։

187 հանդիպում  
12 գոլ
21 գոլայի փոխանցում
6 նվաճած տիտղոս

Եվ դեռ չի ավարտվել»։,-  սոցիալական ցանցերում Ինտերը անդրադարձել է պայմանագրի երկարաձգմանը՝ հրապարակելով Մխիթարյանի լուսանկարը։

 Հրապարակմանը կից նաև նշվել են ֆուտբոլիստի ցուցանիշները թիմում․