Իրանը նախատեսում է Նախիջևանի ճանապարհով Հայաստան բեռնափոխադրումներ իրականացնել
Իրանը ուսումնասիրում է Հայաստանը երկաթուղով բեռներով ապահովելու հնարավորությունը՝ ուղի, որը կանցնի Նախիջևանի տարածքով։ Այս մասին հայտնել է Իրանի երկաթուղիների ղեկավար Ջաբար Ալի Զաքերին։
Նրա խոսքով՝ ԱՊՀ Երկաթուղային տրանսպորտի խորհրդի 83-րդ նիստի ընթացքում քննարկումներ են անցկացվել Հայաստանի երկաթուղիների օպերատոր՝ «Հարավկովկասյան երկաթուղիներ» ՓԲԸ-ի ներկայացուցիչների հետ։
Բանակցությունների հիմնական թեման Իրանից Հայաստան որոշ տեսակի բեռների փոխադրումներն էին՝ Նախիջևանի ուղղությամբ։
«Այս գործընթացը հնարավորություն կտա ապագայում գործարկել Նախիջևանի երկաթուղային հաղորդակցությունը։ Մենք հանձնառու ենք հնարավորինս արագ իրականացնել այս նախագիծը»,– նշել է Զաքերին։
