3-ամյա երեխայի անհետ կորելու դեպքի առթիվ նախաձեռնվել է քրեական վարույթ

3-ամյա երեխայի անհետ կորելու դեպքի առթիվ նախաձեռնվել է քրեական վարույթ՝ Քրեական օրենսգրքի 155-րդ հոդվածի 2-րդ մասի հատկանիշներով (սպանությունը): Այս մասին Auroranews-ին հայտնեցին Քննչական կոմիտեից:

Հիշեցնենք՝ երեկ ժամը 18.00-ի սահմաններում, ՆԳՆ ոստիկանության օպերատիվ կառավարման կենտրոն հաղորդում է ստացվել, որ Գեղարքունիքի մարզի Ծափաթաղ գյուղի բնակիչ 2022 թվականին ծնված Տիգրան Օվանեսովը ժամը 16.30-ի սահմաններում կորել է։


Ավելի վաղ հայտնի էր դարձել, որ  Ծափաթաղ գյուղում 3-ամյա Տիգրանը տան մոտակայքից է կորել:


ՆԳՆ-ի և կամավորների ավելի քան 500 ներկայացուցիչ մասնակցում է Ծափաթաղ գյուղի շրջակայքում ընթացող որոնումներին: