ՏԵՍԱՆՅՈՒԹ.Եթե Ռուսաստանը փակի շուկան, ԵՄ-ն կբացի այն Հայաստանի համար. Ուրսուլա ֆոն դեր Լայեն

Եվրոպական հանձնաժողովի նախագահ Ուրսուլա ֆոն դեր Լայենը ՀՀ վարչապետ Նիկոլ Փաշինյանի հետ ընդլայնված կազմով հանդիպման ժամանակ հայտարարել է, որ իրենք թույլ չեն տա Ռուսաստանին ճնշում գործադրել Հայաստանի վրա և կօժանդակեն երկրին:

Նա նշել է, որ հստակ գիտակցում են Ռուսաստանի կողմից Հայաստանի վրա գործադրվող ճնշումները՝ ԵՄ-ին չափից շատ չմոտենալու նպատակով: Ուրսուլա ֆոն դեր Լայենն ընդգծել է. «Ես այստեղ եմ աներկբա հայտարարելու, որ եթե Ռուսաստանը փակի իր շուկան Հայաստանի արտադրանքի համար, ԵՄ-ն կբացի դուռը հայկական արտադրատեսակների համար ԵՄ 450 միլիոնանոց սպառողների շուկայում: Մենք ուզում ենք սատարել մեր բարեկամներին խաղաղության պրոցեսում: 

Մենք ուզում ենք նաև ներդրումներ անել փոխկապակցվածության ծրագրերի մեջ, որոնք կապում են ԵՄ-ն Հարավային Կովկասի և Կենտրոնական Ասիայի հետ: Եվ Հայաստանը, շնորհիվ իր աշխարհագրական դիրքի, կենսական դեր է խաղում: Մենք այժմ 200 մլն եվրո ենք տրամադրել, որը մինչև երկու միլիարդ կարող ենք լծակավորել»: