Ռուսաստանը հայտնում է՝ մեկ գիշերվա ընթացքում խոցվել է ուկրաինական 452 անօդաչու թռչող սարք

Ռուսաստանի պաշտպանության նախարարության տվյալներով՝ անցած գիշեր երկրի տարբեր շրջանների և հարակից տարածքների վրա ՀՕՊ համակարգերը խոցել և ոչնչացրել են ուկրաինական 452 անօդաչու թռչող սարք։

Գերատեսչության հաղորդմամբ՝ հուլիսի 6-ի ժամը 20:00-ից մինչև հուլիսի 7-ի առավոտյան ժամը 08:00-ն ՀՕՊ ուժերն աշխատել են Բելգորոդի, Բրյանսկի, Վորոնեժի, Վոլգոգրադի, Վլադիմիրի, Կալուգայի, Կուրսկի, Լիպեցկի, Օրյոլի, Ռոստովի, Ռյազանի, Սմոլենսկի, Տամբովի, Տուլայի մարզերի, Մոսկվայի մարզի, Կրասնոդարի երկրամասի, Ղրիմի, ինչպես նաև Ազովի և Սև ծովերի ջրային տարածքների վրա։

ՌԴ պաշտպանության նախարարությունը պնդում է, որ նշված ժամանակահատվածում ընդհանուր առմամբ ոչնչացվել է ուկրաինական 452 անօդաչու թռչող սարք։