Անկախության օրվա տոնակատարությունը ԱՄՆ-ում վերածվել է ողբերգության. Կա 100 զոհ

ԱՄՆ-ում Անկախության օրվա տոնակատարության եռօրյան ուղեկցվել է հրազենային բռնության բազմաթիվ դեպքերով։ Նախնական տվյալներով՝ զոհվել է 100 մարդ, ևս 340-ը տարբեր աստիճանի վնասվածքներ են ստացել։ Այս մասին հայտնել է Gun Violence Archive ոչ կառավարական կազմակերպությունը՝ The Guardian- ի փոխանցմամբ:

Կազմակերպության հրապարակման համաձայն՝ հուլիսի 4-ի տոնական հանգստյան օրերին երկրում գրանցվել է զանգվածային հրաձգության շուրջ 20 դեպք, ինչը գրեթե ռեկորդային ցուցանիշ է։ Նման բարձր թիվ վերջին անգամ արձանագրվել էր 2021 թվականին։ 

Gun Violence Archive-ը նշել է, որ ներկայացված տվյալները նախնական են և հետագա ճշգրտումների արդյունքում կարող են փոփոխվել։